Proposicions de comunicacion

 

Se volètz presentar una comunicacion al congrès, vos cal escriure un messatge de corrièr electronic a l’adreiça seguenta, en indicant Congrès AIEO dins l’objècte del messatge:

ceo@filcat.udl.cat

Vos cal mandar lo títol e un brèu resumit de la comunicacion, que deu pas despassar los 500 mots, dins un document estacat al format Word. Las comunicacions se pòdon far en occitan o dins quina lenga romanica que siá, en anglés o en alemand, e devon portar de donadas novèlas o de perspectivas innovairas dins lor domeni. Es tanben possible de presentar de projèctes scientifics en cors.

La presentacion de las comunicacions serà de 25 minutas al maxim, dont almens 5 minutas seràn reservadas a la discussion. Las proposicions de comunicacion devon èsser mandadas abans lo 30 de novembre de 2013 [la data limit de somission de las proposicions de comunicacion es estada remandada al 15 de decembre].

Tanlèu que lo Comitat Scientific aurà avalorat vòstra proposicion, seretz informat se vòstra comunicacion es estada retenguda o refusada abans lo 20 de genièr de 2014. S’inscriurà las proposicions de comunicacion dins una de las seccions del congrès. L’acceptacion de vòstra comunicacion orala implica pas automaticament una acceptacion de la publicacion dins los actes del congrès.

Per poder presentar vòstra comunicacion al congrès, auretz de vos inscriure prioritàriament abans lo 31 de genièr de 2014.